الرئيسية | كلام ايف | لايف ستايل | أنا مجنونة ولا ليا حق (حد يرد عليا )

أنا مجنونة ولا ليا حق (حد يرد عليا )

hgfz

 10264787_735636213178477_1814991029_n بقلم: مروة كامل

فى حاجات طول اليوم بتحصل او بتتقالك تحرق الدم فقررت النهاردة انى ارصدها علشان اشوف هل انا مجنونة ولا ليا الحق يتحرق دمى و اتجنن و هسيبكم انتم تحكموا …

يعنى مثلا :

نكون قاعدين بنتغدى و بعد ما اشيل الأكل بخمس دقايق القى ابنى بيقولى ” ماما انا جعان”. !

أو بعد الغدا لما ادخل المطبخ علشان انظف المطبخ واخلص جبل المواعين بتاع الغدا و افضل ساعة واقفة على رجلى ف المطبخ و افتكر انى خلصت و بعد كدة اكتشف ان فى حفلة تانية من الكوبايات اللى مش نضيفة و الأزايز الفاضية.

أو لما لحماس ياخدنى واقرر اغسل السجاجيد و بعد اول سجادة المية تقطع و اقعدطول اليوم متذنبة تحت رحمة الحنفية.

أو لما نيجى ناكل و ف عز الأكل تلاقى صوت صغير بيندهلك من الحمام و بيقولك “ماما خلت تعالى شطفينى”.

أو فى حاجة لازم تحصلى كل سنة تقريبا بعد ما اخلص تنضيف الشقة و بعد ما اخلص تانى يوم رياح الخماسين هوب تقوم بزعابيبها و تهد كل اللى انا عملتة لدرجة انى فكرت ففكرة مجنونة، عارفين النتيجة اللى بنعرف بيها الأيام بيبقى مكتوب اخر كل ورقة مواعيد المناسبات عاوزة اكتب ميعاد رياح الخماسين و اكتب لما تروق الشقة

أو لما اصحى فـ ايام الدراسة فـ عز البرد ف الشتا الساعة 6 الصبح و اجى نازلة من على السرير واللقي جوزى بيقولى انتى رايحة فين دلوقتى ببقى عاوزة اقولة “رايحة البيوتى سنتر علشان ميعاد الجاكوزى بتاعى دلوقتى”.

أو لما اكون راجعة من مشوار واول ما ادخل من باب الشقة اللقى عيالى بيقولولى “ماما انتى جيتى” ببقى عاوزة اقولهم لأ مجيتش اصل انا طالعة ف الدنيا بمنظرين.

أو لما تيجى الساعة 8 بالليل و تبقى بتبوسى رجل ولادك علشان يدخلوا يناموا وهما مش راضيين و الصبح الجيران كلهم يصحوا من صوت السارينة اللى ف زورك و عيالك ف سابع نومة ولا هما هنا .

أو يوم الجمعة اللى لما بصدق اصحى براحتى فية وتلاقى العيال قاعدين فوق دماغى ف ميعادالمدرسة و بيقولولى ” ماما قومى احنا جعانين ” ده غير الفرح اللى بيبقى منصوب ف الصالة التلفزيون صوتة عالى و الكمبيوتر صوتة عالى و الخناقات شغالة عمال على بطال و كل شوية واحد يصحينى و يشتكى لى من التانى .

بذمتكم انا مجنونة ولا ليا حق (حد يرد عليا يا جدعان) .

popupsunsense