الرئيسية | مشاهير | تفاصيل حادث زوج دنيا سمير غانم في الساحل الشمالي

تفاصيل حادث زوج دنيا سمير غانم في الساحل الشمالي

تفاصيل حادث زوج دنيا سمير غانم في الساحل الشمالي

تعرض الإعلامي رامي رضوان زوج الفنانة دنيا سمير غانم إلى حادث غريب أثناء سيره بسيارته في طريق الساحل الشمالي و روى رامي رضوان تفاصيل ما حدث معه عبر حسابه على موقع التواصل الاجتماعي ” فيسبوك ” .

فقد قال : «ماشي في أمان الله على طريق الساحل الشمالي متجها الى بعض الأصدقاء لقضاء بعض الوقت معهم.. وفي إحدى المناطق المظلمة..أستمع لبعض الموسيقى واتحدث في الهاتف مع أحد أصدقائي لمعرفة موقع تواجدهم بالتحديد.. واذ فجأة.. صوت إنفجااااااار غير طبيعي يضرب أذني ويرج السيارة رجة غير مفهومة ويضعني في حالة من الصدمة والإستغراب والتساؤلات التي لا حصر لها».

وتابع : «فردة ضربت؟!.. لا مافيش اي خلل في الدركسيون الحمد لله ولا العربية ريحت في اي اتجاه.. حاجة ضربت جمب العربية؟! ابص في المرايات..ولا في اي حاجة وراه غير كحححححل.. يبقى ياخرطوشه يا دبشة/طوبة/زلطة؟.. كل ما مضى كان في ثواني قليلة.. وخلالهم تمسكت ومافكرتش في اي بديل عن اني أستمر في السواقة ولا اقف ابدا».

وأكمل رامي : «شوية وبدأت أسمع صوت هوا.. اوبا..كده يبقى ازاز!.. وصلت لأصدقائي نزلت من العربية ورحت ابص ايه اللي حصل..الازاز اتسرطن واتخرم خُرمين كبار شوية..فتحت ابص هل في بقايا بلي خرطوش..رش..تراب من طوبة..مالاقيتش غير كسر الإزاز اللي وقع..رجعت ابص على مكان الضربة..لاقيت خدش في الصاج من أثار هبدة طوبة على الأرجح».

وفي أخر حديثه قام بتوجيه نصيحة لكل متابعيه وجمهوره من أجل سلامتهم على الطريق قائلا : «الخلاصة..خلي بالكم من نفسكم..مش هقول ماتمشيش متأخر..لان زيه زي البدري. لما الليل بينزل..مش فارق اوله من اهره غير في الونس على الطريق..وفي الساحل الحقيقة والمصايف بصفة عامة الشارع مابيهمدش.. ده غير انك لو ماشي الصبح ونصيبك تلبس طوبة (بعد الشر عنكم جميعا) فهتلبسها..المهم ماتفكرش تقف بالعربية وخليك مكمل لاقرب وأءمن مكان »

وقام أيضا بتعليق لطيف و ساخر ممن فعل معه هذا الموقف حيث قال : «(ماكنش ياخد قرشين ويوفر عليا مشوار تصليح الإزاز ابن الموكوسه ده..عليه اللعنة)».

popupsunsense