الرئيسية | اختيار ايف | بعد جواز سبع سنين بتفكري في راجل تاني غير جوزك.. ليه؟

بعد جواز سبع سنين بتفكري في راجل تاني غير جوزك.. ليه؟

شهر العسل
يارا متجوزة بقالها 7 سنين، بدأت علاقتها بجوزها في قصة حب طويلة من أيام الجامعة وبعد إنتهاء الجامعة اتجوزوا وقضوا أيام رائعة وسعيدة، في بداية الجواز كان بيحبها وبيهتم بيها زى الأفلام، وكان بيحضرلها الفطار الصبح وبيقولها طول الوقت قد اية هى جميلة ومهمة في حياته، يارا كانت فاكرة أن دى نهايتها السعيدة اللي عاشت بتحلم بيها، وأنها زى “سندريلا” وصلت لمرحلة “and lived happily ever after” يعني عاشوا في سعادة دائمة.
بس بعد شوية وقت وخاصة بعد أستقبالهم الطفل الأول، الأمور بدأت تتغير، جوزها مبقاش بيقولها كلام حلو زى زمان، بدأت تغير قصة شعرها وتغير لبسها وتحاول تخس شوية، بس برضة جوزها ولا كأنه شايفها ولا واخد باله منها.
لغاية ما قررت يارا في يوم تنزل تشتري طقم اكسسورات جديد كانت شافتها على موقع ايف ارابيا، ولبستها راحت لجوزها وكانت فاكرة انه هيقولها قد أيه هى جميلة زى ما كان بيعمل زمان، بس للأسف جوزها منتبهش ولما قالتله قعد يزعقلها أنها صرفت من مصروف البيت وأن ده تصرف غير مسئول، لغاية ما يارا قلبها اتكسر من رد فعله!
couple--1-15-05-2014

تانى يوم لبست الطقم الجديد وراحت الشغل، زميلها في الشغل شافها وقالها ايه الجمال ده والطقم ده جميل عليك جدًا ، يارا متأكدة انها بتحب جوزها ولكنها بدأت تلاقي نفسها بتفكر في زميلها اللي أعجب بيها أوقات طويلة.

ليه ده حصل؟
في دراسة بريطانية أكاديمية نشرتها  صحيفة “الإندبندنت” البريطانية ظهر مصطلح بيطلق عليه علماء النفس بـ “هرشة السنة السابعة من الزواج”، وهي عبارة عن مظاهر من الحيرة أو الاكتئاب الناتج عن الملل أو عن الإحساس بالهجران العاطفي الحميم.
الدراسة تم اعدادها في جامعة برمنغهام، وكانت تستهدف توعية النساء بنفسهم، وكشفت الدراسة كمان أن بعد انتهاء سنة أولى عسل في الجواز أو بعد ولادة الطفل الأول، بتزداد الالتزامات العائلية بالإضافة لالتزامات العمل ومشاكل الحياة والأطفال، كل ده بيؤدى لظهور مشاعر ” القلق العاطفي” وخاصة لو ظهر “برود جنسي” في العلاقة الزوجية.

ولو رجعنا ليارا تاني هنلاقيها بدأت تفكر انها عايزة تطلق من جوزها وأنها عايز حد يلبي احتياجاتها العاطفية و يحبها ويهتم بيها، وبدأت تفكر هل في ناس بتطلق للسبب ده فعلا؟!

ولما دورت عرفت أن 42% من السيدات من أصل 424 سيدة، إعترفوا انهم خانوا ازواجهم بعد من 7 – 10 سنين من الزواج و ان 28% منهن اتطلقوا بعد خيانتهن من 2- 4 سنين

161024095810650
كمان عرفت أن في دراسة بتقول أن “العلاقات العاطفية” عند بعض النساء والرجال، مجرد “لعبة شيقة” لتجديد وإشعال الأحاسيس وهو ما تسميه الدراسة “حب الاستطلاع” واللي بيظهر نتيجة الملل والرغبة بإعادة اكتشاف النفس، وهي مجموعة مشاعر تتراكم تدريجياً لتبدأ بالظهور والضغط على الزوجة بعد السنة السابعة من الزواج، وحتى السنة العاشرة، ويُقال إنها تحصل عند الرجال بعد الأربعين.
وعلشان كده الدراسة دي نصحت السيدات أنها تعيد اكتشاف نفسها وتجرب حب الاستطلاع تجاه زوجها وان لا تستلم لهواجس الانفصال والبحث عن شريك عاطفي اخر.

وهكذا فعلت يارا، قررت أن تعيد اكتشاف زوجها ونفسها من خلال ثقتها بجمالها وذكائها وحب زوجها لها حتى وأن خانه التعبير وأثقلتها الألتزامات أحيانًا.
لذلك عزيزتي اذا شعرتي بهذه المشاعر، فلا تخشي من الحديث مع زوجك عن مشاعرك بعقلانية، وحاولي إعادة اكتشاف زواجك وزوجك مرة ثانية.
.

popupsunsense